Për ta përmbushur misionin e saj të fuqizimit të komunitetit të TIK-ut në Kosovë, drejt një transformimi të suksesshëm digjital të shoqërisë sonë, SHPIK-u do ta themeloj Grupin Special të Interesit (angl. Special Interest Group – SIG) për fushën ICT Project- and Product Management.
Project Management- dhe Product Management janë dy disiplina tejet të rëndësishme për suksesin e projekteve dhe ndërmarrësisë. Ky SIG do ta përkrah avancimin e profesionit të menaxhimit të projekteve, produkteve, programeve dhe portfolios së projekteve / ndërmarrjeve.
Në kuadër të këtij SIG-u, anëtarët e SHPIK-ut do të kenë mundësi që përmes rrjetëzimit, diskutimeve e ndërveprimit t’i adresojnë shumë aspekte të ndryshme të këtyre profesioneve.
SIG-u “SHPIK – Management” do të krijoj përfitime të shumta për biznese dhe profesionistë, ndër të cilat më të rëndësishmet janë:
- Promovimin e këtyre profesioneve në Kosovë
- Identifikimin e sfidave të këtyre profesioneve dhe ofrimin e zgjidhjeve
- Promovimin e praktikave më të mira
- Ngritjen e kapaciteteve menaxhuese në vendin tonë
- Përmirësimin e cilësisë në planifikimin dhe realizimin e projekteve
- Përmirësimin e saktësisë së planifikimit
- Ndërgjegjësimin dhe aftësimin rreth planifikimit
- Certifikimin e shkathtësive
Falë ndihmës financiare të ofruar nga ”Austrian Development Cooperation” dhe implementuar nga “Austrian Development Agency”, SIG-u “SHPIK – Management” do ta ketë mundësinë e zhvillimit dhe impementimit të aktiviteteve të ndryshme, si p.sh. trajnime, certifikime, hulumtime, qasje në vegla të ndryshme, ndërveprim me profesionistë lokal e ndërkombëtar të këtyre fushave, etj.
SHPIK, si organizatë e bazuar në komunitet, beson fuqishëm në konceptin e DAO-sl (organizatë e decentralizuar autonome), prandaj edhe SIG-u “SHPIK – Management” do të ketë buxhetin e vet, udhëheqjen e vet dhe pavarësinë e vet për të realizuar kërkesat që rrjedhin nga anëtarësia.
Prandaj, SHPIK i fton të gjithë të interesuarit , individë e organizata, profesionistë dhe aspirues të kësaj fushe, të na bashkangjiten në takimin inaugurues të këtij SIG-u me datë 01.12.2022.
Takimi themelues i këtij SIG-u do të mbahet me datë 01.12.2022 në ora 18:00 Online.
Bëhu pjesë e SIG-ut “SHPIK – Management” – komunitetit të anëtarëve profesionist, të cilët, falë shkathtësive, ekspertizës dhe përvojave të tyre, janë fuqia shtytëse e kompanive më inovative në vend.
