Trajnimi për Dizajn Grafik është i fokusuar në aftësimin e mësimdhënësve se si të përdorin softuerin e editimit të imazheve. Trajnimi do të filloj me 13 shkurt 2023 nga ora 19:30 dhe do të ligjërohet nga eksperti i kësaj fushe z. Kujtim Aliu. Trajnimi synon që përmes përvetësimit në Adobe Ilustrator, Photoshop dhe InDesign t’i ndihmojë mësimdhënësit të zhvillojnë aftësitë e tyre në redaktim të fotografive, editim dhe dizajn grafik.
Në këtë trajnim, mësimdhënësit do të kenë mundësinë të punojnë në projekte në formë praktike, të marrin udhëzime konstruktive nga eksperti dhe të bashkëpunojnë me pjesëmarrësit e tjerë për të shkëmbyer përvojat e tyre. Ky trajnim do t’u sigurojë mësimdhënësve aftësitë dhe njohuritë e nevojshme për tu avancuar në përdorimin e këtyre programeve dhe për t’i përdorur për projekte të ndryshme në klasat mësimore. Ky trajnim do të ofrojë gjithashtu një mundësi të artë rrjetëzimi për mësimdhënësit që të lidhen me individë të tjerë me përvojë në këtë fushë.
Si mbahet trajnimi dhe çka përmban?
Trajnimi do të shtrihet në një periudhë katër javore dhe do të jetë një kombinim i ligjëratave online, sesioneve të ushtrimeve praktike dhe rasteve të studimit. Pra, trajnimi nuk është vetëm një ligjëratë e thjeshtë, por ai përbëhet edhe nga ushtrime praktike që shërbejnë për t’i përforcuar konceptet e shpjeguara.
Kush mund të marrë pjesë në trajnim
Të gjithë mësimdhënësit që dëshirojnë të aftësohen në dizajn grafik dhe të jenë në hap me trendet e fundit në klasat mësimore.
